ხანდებში ცაშეკრულას კანიონი ზესტაფონელმა და ხარაგაულელმა ახალგაზრდებმა დალაშქრეს.

ხარაგაულის მუნიციპალიტეტის განვითარებისა და შიდა ტურიზმის ხელშეწყობის ცენტრის ორგანიზებით მორიგ სათავგადასავლო ტურ-თამაშებში ოთხი გუნდი მონაწილეობდა.

„ტურის მიზანია, რომ ახალგაზრდები დატკბენ ცაშეკრულას კანიონის სილამაზით და პოპულარიზაცია გაუწიონ მას,“ – ამბობს ხარაგაულის მუნიციპალიტეტის გამგებლის მრჩეველი ტურიზმის საკითხებში მამუკა ჭიპაშვილი.

ცაშეკრულას კანიონზე მყოფმა, თსუ-ს ასისტენტ-პროფესორმა, გეომორფოლოგმა გიორგი დვალაშვილმა აღნიშნა, რომ ეს უნიკალური კანიონი, სავარაუდოდ, მიწისძვრის შედაგად არის წარმოქმნილი. მან იმედი გამოთქვა, რომ მომავალში ამ ადგილის მონახულების სურვილი ბევრ ტურისტს გაუჩნდება.

cashekrulas_kanioni