დღეს ხარაგაულში 1989 წლის 9 აპრილს დაღუპულთა ხსოვნას პატივი მიაგეს 9 აპრილის აქციის მონაწილეებმა, ახალგაზრდებმა, საზოგადოებისა და ადგილობრივი ხელისუფლების წარმომადგენლებმა.

ხარაგაულის წმ. ანდრია პირველწოდებულის სახელობის ეკლესიის მოძღვარმა მამა ანტონმა (სულთანიშვილი) გარდაცვლილთა სულების მოსახსენებელი პარაკლისი აღავლინა.

დღესვე 9 აპრილის სახელობის სკვერში დაღუპულთა მემორიალი გაიხსნა.

27 წლის წინ თბილისში, რუსთაველის პროსპექტზე შეკრებილ მოქალაქეებს, რომლებიც საქართველოს დამოუკიდებლობას ითხოვდნენ, სასტიკად გაუსწორდნენ საბჭოთა ჯარისკაცები.

21 ადამიანი დაიღუპა, ბევრი – დაიჭრა და მხუთავი აირისგან მოიწამლა.