ხარაგაულის მუნიციპალიტეტის საბავშვო ბაღების გამგეებს, მზარეულებს, მათ თანაშემწეებსა და ექთნებს ჰიგიენის საკითხებზე ტრენინგი ჩაუტარდათ.

სანიტარიის, ჰიგიენისა და სამედიცინო ეკოლოგიის სამეცნიერო კვლევითი ინსტიტუტის დირექტორმა რეზო კობახიძემ და ინტიტუტის თანამშრომლებმა დამსწრეთ გააცვნეს ჰიგიენის ის აუცილებელი პირობები და ნორმები, რაც მათ უნდა დაიცვან აღსაზრდელთათვის უვნებელი საკვების მოსამზადებლად.

ტრენინგი განათლების პროფკავშირის ხარაგაულის რაიონული ორგანიზაციის დაფინანსებითა და ხელშეწყობით გაიმართა. ორგანიზაციის თავმჯდომარე ლალი სებისკვერაძის ინფორმაციით, ტრენინგის თემა ხარაგაულის სკოლამდელ დაწესებულებათა გაერთიანების ადმინისტრაციასთან და ბაღების კოლექტივებთან გასაუბრების შემდეგ შეირჩა.

ტრენინგის მონაწილეებმა აღნიშნეს, რომ მათ მნიშვნელოვანი, საჭირო და აუცილებელი ინფორმაცია მიიღეს საკვების დამუშავებისას ჰიგიენური წესების დაცვის შესახებ. მიღებული ინფორმაცია კი მათ ყოველდღიურ საქმიანობას უფრო მეტად გააუმჯობესებს.

ნინო კაპანაძე

treningi_baghebistvis-2 treningi_baghebistvis-1