იმისთვის, რომ ფიზიკურმა პირმა ისარგებლოს „მაღალმთიანი რეგიონების განვითარების შესახებ“ კანონით განსაზღვრული შეღავათებით, აუცილებელია მას ჰქონდეს მაღალმთიან დასახლებაში მუდმივად მცხოვრები პირის სტატუსი.

სტატუსის მინიჭებისთვის ფიზიკურმა პირმა განცხადებით უნდა მიმართოს შესაბამისი მუნიციპალიტეტის გამგებელს. განცხადებას უნდა დაერთოს:

  • საქართველოს მოქალაქის პირადობის დამადასტურებელი დოკუმენტის ასლი;
    მაღალმთიან დასახლებაში  წლის განმავლობაში, ჯამში 9 თვის ან 9 თვეზე მეტი ვადით ფაქტობრივად ცხოვრების დამადასტურებელი დოკუმენტები;
  • ფიზიკური პირის მაღალმთიან დასახლებაში რეგისტრაციის დამადასტურებელი დოკუმენტი;
  • სხვა პირის მიერ განცხადების წარდგენის შემთხვევაში – უფლებამოსილების დამადასტურებელი დოკუმენტი.

მაღალმთიან დასახლებაში მცხოვრების პირის სტატუსის მისაღებად მაღალმთიან დასახლებაში რეგისტრაცია აუცილებელია, სხვა შემთხვევაში პირი ვერ მიიღებს სტატუსს.

ხარაგაულის მუნიციპალიტეტში მაღალმთიანი დასახლების სტატუსი მინიჭებული აქვს ექვს სოფელს – ნუნისს, პატარა სახვლარს, გოლისს, გოლათუბანს, გუდათუბანსა და ფონას.

წყარო