ხარაგაულის მუნიციპალიტეტის საკრებულოს სხდომაზე ნადაბურის მაჟორიტარმა დეპუტატმა მიხეილ გელაშვილმა ნადაბურში საბავშვო ბაღის შენობის აშენებისა და გახსნის საკითხი დააყენა.

„წარმოდგენილი მაქვს საბავშვო ბაღის ასაკის 33 ნადაბურელი ბავშვის დაბადების მოწმობები, – აღნიშნა მიხეილ გელაშვილმა პირველ თებერვალს სხდომაზე, – მათ შორის 15 ბავშვი 2 წლამდე ასაკისაა, 18 ბავშვი კი – 2-დან 6 წლამდე ასაკის.

გთხოვთ, ამის საფუძველზე მოვამზადოთ წერილი და მივმართოთ გამგეობას ნადაბურში საბავშვო ბაღის შენობის ასაშენებლად.“

ნადაბურში საბავშვო ბაღი დღემდე არასდროს ყოფილა.