საახალწლოდ კულტურული ღონისძიებების ორგანიზებისათვის ხარაგაულის მუნიციპალიტეტმა 2015 წლის 25 დეკემბერს დადებული #297 ხელშეკრულების თანახმად, 3 800 ლარი გადაუხადა ი/მ „ნოდარ მუხურაძეს.“

ი/მ „ნოდარ მუხურაძე“ დარეგისტრირებულია კვების პროდუქტების მწარმოებელ/დისტრიბუტორ საწარმოდ.

კვების პროდუქტების მწარმოებელ/დისტრიბუტორმა საწარმომ 3 800 ლარად რა სახის კულტურული ღონისძიებების მომსახურება გასწია წინასაახალწლოდ, – ამ შეკითხვით გამგეობის ზედამხედველობისა და არქიტექტურის სამსახურის უფროსს, კონტროლის ჯგუფის თავმჯდომარე არჩილ ლურსმანაშვილს მივმართეთ.

„3 800 ლარად შევისყიდეთ 28 დეკემბრის ღონისძიებების მომსახურება, – ამბობს არჩილ ლურსმანაშვილი, – სუფრის გარდა, კონცერტი და საჩუქრებისთვის თანხა იყო გამოყოფილი. ასევე, გუბერნატორისა და სხვა სტუმრების ტრანსპორტირება. სათითაოდ კონცერტები ცალკე რომ არ გაგვეწერა, მთლიანად შევისყიდეთ ი/მ „ნოდარ მუხურაძისგან“ მომსახურეობა. ანგარიშფაქტურა არის ბუღალტერიაში.“

ჩვენგან მოპოვებული ინფორმაციით, 28 დეკემბერს ი/მ „ნოდარ მუხურაძის“ კუთვნილ საბანკეტო დარბაზში გამართული სუფრისთვის მონაწილეებმა 50-50 ლარი შეკრიბეს.