ხარაგაულის მაჟორიტარი დეპუტატი საქართველოს პარლამენტში ნოდარ ებანოიძე იმყოფება ვილნიუსში, სადაც ბალტიის ასამბლეის 35-ე სესია და ბალტიის საბჭოს 24-ე სხდომა იმართება.

„სესიაში, როგორც სუამის საპარლამენტთაშორისო ასამბლეის წევრები, ვმონაწილეობთ მე და ზურაბ აბაშიძე, – ამბობს ნოდარ ეაბნოიძე, – ასევე ევრონესტის დელეგაციიდან ვიქტორ დოლიძე. სესია ძირითადად პოლიტიკურ თემებს ეხება და სამივე ქვეყნის საგარეო საქმეთა მინისტრები გამოვიდნენ. გაკეთდა მხარდამჭერი განცხადებები საქართველოს მიმართ. აღინიშნა, რომ საქართველოსათვის ვიზალიბერალიზაციის თემაზე რაიმე შეფერხების მიზეზს ვერ ხედავენ. ასევე შევხვდით ლიტვის სეიმის თავმჯდომარეს. დღეს ლიტვა ასრულებს ბალტიის ასამბლეის ხელმძღვანელობას და გადასცემს ლატვიას.“