„BFM TV ჩართეთ და ნახავთ, პირდაპირ ეთერშია სროლები, – გვამცნობს პარიზიდან ხარაგაულელი მალხაზ კუპრაძე, – სამუშაოდ ვაპირებდი წასვლას. ამ დილით 5 საათზე ავდექი, მაგრამ ვინ გაცალა! ლამის მთელი პარიზის პოლიცია და სპეცნაზი ჩვენს უბანშია მობილიზებული, ვერტმფრენებითაც კი. ისეთი სროლებია, დამოუკიდებლობის დღე ეგონება კაცს. არ მუშაობს ტრანსპორტი. BFM TV აცხადებს, მთავარი თევზები გაება ბადეშიო. ამ წუთებში მიდის სროლები! დაჭრილებს შორის არიან პოლიციელები!“ – გვწერს მალხაზ კუპრაძე.

13 ნოემბერს პარიზში ტერორისტული თავდასხმები მოხდა ღამის კლუბებზე, რესტორნებზე, ფეხბურთის სტადიონზე და სხვა ადგილებში, რასაც 129 ადამიანი ემსხვერპლა და კიდევ ასობით დაიჭრა. ტერაქტებზე პასუხისმგებლობა იკისრა „ისლამურმა სახელმწიფომ“.