ხარაგაულის ექვსი სოფლის – ხევის, ხუნევის, გედსამანიის, ვაშლევის, ბორითისა და ვერტყვიჭალის საჯარო სკოლების მოსწავლეების, ამ სოფლების ახალგაზრდებისა და ნებისმიერი მსურველისათვის სალოტბარო სკოლები გაიხსნა.

ინფორმაციას ფოლკლორის ცენტრი ავრცელებს. ამავე ინფორმაციის თანახმად,

  • ხუნევის სალოტბარო სკოლა სამ სოფელს: ხევს, გედსამანიასა და ხუნევს აერთიანებს და ხუნევის საჯარო სკოლაში განთავსდა. სკოლის ლოტბარ – რეგენტია გალობის უნივერსიტეტის კურსდამთავრებული გუჯა არევაძე;
  • ვერტყვიჭალის სალოტბარო სკოლამ ამ საჯარო სკოლის შენობაში დაიწყო ფუნქციონირება. პედაგოგია გალობის უნივერსიტეტის კურსდამთავრებული სალომე ჭანიშვილი;
  • ბორითისა და ვაშლევის სალოტბარო სკოლა კი განთავსებულია ვაშლევის საჯარო სკოლაში და მისი ლოტბარია ნიკა ბორჩხაძე, გალობის უნივერსიტეტის კურსდამთავრებული.

ახალ სალოტბარო სკოლებში დარეგისტრირდა 60 მოსწავლე, რომლებიც ქართულ ხალხურ სიმღერასა და ტრადიციულ გალობას დაეუფლებიან. სწავლა უფასოა.

ხარაგაულის მუნიციპალიტეტში სალოტბარო სკოლა 2019 წლის სექტემბრიდან ფუქნციონირებს. 

საქართველოს სხვადასხვა მუნიციპალიტეტსა და სოფელში ფოლკლორის ცენტრის 53 სალოტბარო სკოლა მოქმედებს.