დღეს, 14 სექტემბერს, ბუნებრივი აირის მოწოდება ხარაგაულისა და ზესტაფონის რამდენიმე სოფელში შეწყვეტილია.

გაზის ტრანსპორტირების კომპანიიდან მოპოვებული ინფორმაციით, საგურამო-ქუთაისის მაგისტრალური გაზსადენის ხარაგაულის განშტოების გაზსადენზე სარეკონსტრუქციო-სარეაბილიტაციო სამუშაოები ხორციელდება.
ბუნებრივი აირი არ მიეწოდება ბოსლევის, წევის, ხარაგაულისა და ზესტაფონის გაზგამანაწილებელი სადგურების მომხმარებლებს; კერძოდ:
ზესტაფონს, ხარაგაულს, ლაშეს, კიცხს, ისლარს, ძირულას, ბოსლევს, წევას, ზედა საქარას, ქვედა საქარას, დილიკაურს, ზედა ბოსლევს, რკვიას, შორაპანს, ტაბაკინს, ზედა კლდეეთსა და რთვინს.

„სოჯარ ჯორჯია გაზის“ ზესტაფონის სერვისცენტრის უფროსის ლევან აბაშიძისგან მოპოვებული ინფორმაციით, ხარაგაულში, ლაშეში, კიცხსა და ისლარში გაზმომარაგება, სავარაუდოდ, დღეს, დღის ბოლომდე აღდგება.

მისივე ინფორმაციით, ზესტაფონში ბუნებრივი აირის მიწოდება დღეს მოსალოდნელი არ არის.