საქსტატის 2024 წლის მოსახლეობის საყოველთაო აღწერის მიხედვით, 2014 წლიდან დღემდე საქართველოში მოსახლეობის რაოდენობა ყველაზე მკვეთრად (29.9%) ხულოს მუნიციპალიტეტში შემცირდა, სადაც ამჟამად 16 342 ადამიანი ცხოვრობს.

2024 წლის მოსახლეობის და სასოფლო-სამეურნეო აღწერის ძირითადი შედეგების თანახმად, საქართველოში ქალაქებში მცხოვრები მოსახლეობის რაოდენობამ 2 455 444 კაცი (62.5%) შეადგინა, ხოლო სოფლის მოსახლეობამ – 1 474 137 კაცი (37.5%).

ამავე მონაცემების მიხედვით, საქალაქო დასახლებებში მოსახლეობის ზრდამ 15.7% (332 821 კაცი) შეადგინა, მაშინ როდესაც სოფლის მოსახლეობა 7.4%-ით (117 044 კაცით) შემცირდა.

შედეგად, 2014 წლის აღწერასთან შედარებით, მნიშვნელოვნად შეიცვალა ქალაქისა და სოფლის სტრუქტურა – ქალაქის მოსახლეობის წილი მთლიან მოსახლეობაში 5.3%-ით გაიზარდა და 62.5%-ს გაუტოლდა.

გთავაზობთ იმ ტოპ 10 მუნიციპალიტეტს, სადაც 2014-2024 წლებში, მოსახლეობის რაოდენობა ყველაზე მკვეთრად შემცირდა:

  • ხულო – ამჟამად ცხოვრობს 16 342 კაცი (კლება 29.9%);
  • შუახევი – ამჟამად ცხოვრობს 11 104 კაცი (კლება 26.2%);
  • ცაგერი – ამჟამად ცხოვრობს 8 496 კაცი (კლება 18.2%);
  • წყალტუბო – ამჟამად ცხოვრობს 48 310 კაცი (კლება 15.1%);
  • ტყიბული – ამჟამად ცხოვრობს 17 729 კაცი (კლება 14.9%);
  • ლანჩხუთი – ამჟამად ცხოვრობს 26 926 კაცი (კლება 14.5%);
  • ხარაგაული – ამჟამად ცხოვრობს 16 810 კაცი (კლება 13.7%);
  • წალენჯიხა – ამჟამად ცხოვრობს 22 599 კაცი (კლება 13.6%);
  • ვანი – ამჟამად ცხოვრობს 21 213 კაცი (კლება 13.5%);
  • აბაშა – ამჟამად ცხოვრობს 19 364 კაცი (კლება 13.3%).