მარტივდება მსუბუქი ავტომობილისთვის საჭირო B კატეგორიისა და B1 ქვეკატეგორიის მართვის უფლების მიღება.

ამ ინფორმაციას შინაგან საქმეთა სამინისტროს მომსახურების სააგენტო ავრცელებს.

გამოსაცდელს თეორიული გამოცდა ჩაბარებულად ჩაეთვლება, თუკი 30 კითხვიდან 25-ს სწორად უპასუხებს.

აქამდე გამოცდის ჩასაბარებლად 27 სწორი პასუხი იყო საჭირო.

22 მაისიდან მართვის უფლების მისაღები პრაქტიკული გამოცდის პირველი ეტაპის (მოედანი) წარმატებით ჩაბარებისთანავე, კანდიდატებს ეძლევათ შესაძლებლობა, პრაქტიკული გამოცდის მეორე ეტაპზე გასასვლელად სასურველი დრო ყოველგვარი ლოდინის გარეშე, სააგენტოს სტრუქტურულ ერთეულში დაჯავშნონ.

ცვლილებების ნაწილი 15 ივნისიდან ამოქმედდება:

  • პრაქტიკული გამოცდის მეორე ეტაპზე, რაც ქალაქში ავტომობილის მართვას გულისხმობს, გამომცდელი კანდიდატს შეცდომის გამოსასწორებლად მისცემს „გონივრულ ვადას“ და მისცემენ მითითებას (მაგ.: „გთხოვთ კიდევ ერთხელ შეამოწმოთ საგზაო მოძრაობისთვის მზადყოფნა“);
  • 12 მსუბუქი შეცდომის რაოდენობა გაზრდილია 15-მდე;

საქართველოში მართვის მოწმობის ასაღებად სამი ეტაპის გავლაა საჭირო:

  • ტესტირება;
  • გამოცდა შსს-ს მიერ გამოყოფილ დახურულ სივრცეში;
  • გამოცდა ქალაქში.

წყარო