დეპუტატებმა ხარაგაულის მუნიციპალიტეტში 2016 წელს საქართველოს რეგიონებში განსახორციელებელი პროექტების ფონდიდან (რგპფ) დასაფინანსებელი პროექტების შესახებ მიიღეს ინფორმაცია. 2016 წელს ხარაგაულის მუნიციპალიტეტში იგეგმება:

უბისა-ღორეშის საავტომობილო გზის რეაბილიტაცია (სავარაუდო ღირებულება 1 200 000 ლარი);

ზვარეს ახალგაზრდული ბანაკის მოწყობა, (პროექტის სავარაუდო ღირებულებაა 591 000 ლარი). პროექტის ფარგლებში მოეწყობა ყოფილი პიონერთა ბანაკის ორსართულიანი შენობა 80 მოსარგებლეზე, მოეწყობა ეზო, ღობე და კომუნიკაციები;

ამავე ბანაკისთვის 200 ათას ლარად იგეგმება 100 ადამიანისათვის ინვენტარის შეძენა – საწოლები, კედლის კარადები და ტუმბოები, მაგიდები და სკამები, მაცივარი, გაზის ღუმელი, სარეცხი მანქანა, ჭურჭლის სარეცხი მანქანა, ტელევიზორები, პროექტორი და ეკრანი, ფოტოაპარატი, ვიდეოკამერა, ლეიბები, გადასაფარებლები და ბალიშები;

2016 წელს განსახორციელებელ პროექტთა ნუსხაშია ხარაგაულის #2, მოლითის, წიფის, ღორეშის, ხევის საბავშვო ბაღებისათვის შენობების რეაბილიტაცია და ვახანის საბავშვო ბაღში მეორე ჯგუფისათვის ოთახის მიშენება 350 ათას ლარად. ხარაგაულის #2 საბავშვო ბაღს ესაჭიროება ფუნდამენტის გამაგრება, დრენაჟის მოწყობა და კონსტრუქციული გამაგრება. მოლითის საბავშვო ბაღის შენობის სახურავი შესაცვლელია, იატაკი და ღობე – შესაკეთებელი. ღორეშისა და წიფის საბავშვო ბაღების შენობებს ესაჭირობა სრული რეაბილიტაცია. ხევსა და ვახანში დამატებითი ჯგუფებისათვის საჭიროა ოთახების მიშენება;

მუნიციპალიტეტის 12 ობიექტზე გამაგრდება გზის დამცავი საყრდენი კედლები. ამ პროექტის სავარაუდო ღირებულებაა 140 000 ლარი;

გედსამანიის საავტომობილო გზის რეაბილიტაციაზე, სავარაუდოდ, განსაზღვრულია 300 000 ლარი, – გზის ზედაპირის საფარი მოეწყობა ქვიშა-ხრეშოვანი ბალასტით. გზის რთულ და პრობლემურ ადგილებში მოეწყობა ბეტონის საფარი.

ზვარის ახალგაზრდული ბანაკის გზის რეაბილიტაციაზე დაგეგმილია 101 000 ლარი – გზის ზედაპირის საფარი მოეწყობა ქვიშა-ხრეშოვანი ბალასტით;

2016 წელს იგეგმება ხარაგაული-ბაზალეთის გზის რეაბილიტაციის მეორე ეტაპი, რაზე 287 000 ლარია განსაზღვრული.