ხარაგაულის მუნიციპალიტეტის კულტურის, ხელოვნებისა და შიდა ტურიზმის ცენტრის ორგანიზებით ცენტრალურ ბიბლიოთეკაში, ინტელექტუალური თამაში – „რა? სად? როდის?“ მიმდინარეობს.

23 თებერვალს დავით ჩადუნელის ექვსეულმა (კახა გოლუბიანის, ვასილ კიკნაძის, კობა ყრუაშვილის, გიორგი ლომსაძისა და ლიზი კურტანიძის შემადგენლობით) ითამაშა. შეხვედრა დასრულდა ანგარიშით 5:6, წამყვანის სასარგებლოდ.

გასულ კვირას, ვერა ოდიკაძის ექვსეულმა (დიმიტრი მაღრაძის, ეკატერინე ქურდაძის, გიორგი მაქაძის, გიორგი ბოჭორიშვილისა და შოთიკო წიქარიშვილის შემადგენლობით) გამარჯვება მოიპოვა, ანგარიშით – 6:5.

ამ ორი თამაშის „დღის მოაზროვნეებად“ შოთი წიქარიშვილი და გიორგი ლომსაძე დასახელდნენ.

წელს ამ ინტელექტუალურ თამაშში სიახლეა ის, რომ გუნდში ერთ-ერთ წევრად მოსწავლეს იწვევენ.

მომდევნო თამაში 2 მარტს გაიმართება. წამყვანის, მამუკა ჭიპაშვილის, წინააღმდეგ დავით კიკნაძის ექვსეული ითამაშებს; 9 მარტს – როლანდ ცუცქირიძის ექვსეული.

ინტელექტუალური თამაშის ფინალი 16 მარტს გაიმართება.