ხარაგაულის მუნიციპალიტეტში მოქმედმა სამმა საბავშვო ბაღმა ავტორიზაცია მოიპოვა, – საღანძილის, ვერტყვიჭალისა და ნადაბურის ბაღებმა, 6 წლის ვადით, ავტორიზაციის პროცესი წარმატებით გაიარეს. ეს იმას ნიშნავს, რომ ამ საბავშვო ბაღებში სტანდარტების შესაბამისია:

  • უსაფრთხო და კეთილმოწყობილი გარემო;
  • ხარისხიანი საგანმანათლებლო პროგრამები;
  • ბავშვზე ორიენტირებული მიდგომები.

ხარაგაულის სკოლამდელ დაწესებულებათა გაერთიანების დირექტორი თამარ ლაცაბიძე ამბობს, რომ 2026 წელს ამ გაერთიანებაში შემავალი სხვა ბაღების ავტორიზაცია დაგეგმილი არ არის. ხარაგაულის მუნიციპალიტეტში 21 საბავშვო ბაღი ფუნქციონირებს. 2030 წლამდე საქართველოში მოქმედმა სკოლამდელი აღზრდის ყველა დაწესებულებამ ავტორიზაცია უნდა გაიაროს. ავტორიზაციის გავლის წესი მთავრობის 21.02.2023 წ. #76 დადგენილებითაა განსაზღრული.