ხარაგაულის ზრდასრულთა განათლების ცენტრის დირექტორის, გიორგი მუხურაძის, ინფორმაციით, წელს ამ ცენტრში 13 კურსი ამოქმედდება:

  • გალობის შემსწავლელი კურსი (კურსის ხელმძღვანელი ზურაბ გოგოლაძე),
  • ქართულ ხალხურ საკრავებზე დაკვრის შემსწავლელი კურსი (თამილა კირთაძე),
  • გიტარის შემსწავლელი კურსი (გია მეიფარიანი),
  • ხეზე კვეთის შემსწავლელი კურსი (ბადრი სვანიძე),
  • ჭრა-კერვის შემსწავლელი კურსი (მაყვალა სებისკვერაძე),
  • შედუღების შემსწავლელი კურსი (ვალოდია ჭიპაშვილი),
  • მწვანე განათლება (მანანა ტაბაშიძე),
  • გელ-ლაქის (ე.წ. შილაკი) შემსწავლელი კურსი (თამარ ნებიერიძე),
  • კომპიუტერული ტექნოლოგიების შემსწავლელი კურსი (ია ხარაზიშვილი),
  • თექის შემსწავლელი კურსი (სოფიო მირცხულავა),
  • ფინანსური განათლების კურსი (თამარ მუხურაძე),
  • ახალგაზრდული კლუბი (გიორგი მაქაძე),
  • ქვაზე კვეთის შემსწავლელი კურსი (ბესიკ ლაცაბიძე).

ზრდასრულთა განათლების ცენტრში ასევე ამოქმედდება მართვის მოწმობის მისაღები თეორიული გამოცდის საკითხების შემსწავლელი წრე, ამ კურსზე სწავლა ფასიანია.

„კომპიუტერული ტექნოლოგიების შემსწავლელი ჯგუფი უკვე დაკომპლექტებულია და შესაძლოა მუშაობა თებერვლიდან დაიწყოს, სხვა კურსებს მარტის პირველი რიცხვებიდან ეტაპობრივად ავამოქმედებთ“, – ამბობს გიორგი მუხურაძე.

ზრდასრულთა განათლების ცენტრში სწავლა უფასოა და მსურველთა ასაკი შეუზღუდავია. 

ხარაგაულის ზრდასრულთა განათლების ცენტრში სწავლის მსურველები უნდა მიბრძანდეთ მისამართზე – სოლომონ მეფის ქ. #19, ან დარეკოთ ტელეფონით შემდეგ ნომერზე – 577640400 (მანანა ტაბაშიძე).

ხარაგაულში ზრდასრულთა განათლების ცენტრი, 2019 წელს, გერმანიის მთავრობის მხარდაჭერით ამოქმედდა.