ხარაგაულის მუნიციპალიტეტში საგაზაფხულო სამუშაოები ძალაში შევიდა.

უკვე დამუშავდა 220 ბენეფიციარის 111 ჰა მიწის ფართობი „მცირემიწიან ფერმერთა საგაზაფხულო სამუშაოების ხელშეწყობის“ პროგრამაში ფარგლებში.

ამ პროგრამის ბენეფიციართა მიწის ნაკვეთების გარდა, მოტობლოკებითაა დამუშავებული 500 ჰა-მდე მიწის ფართობი.

ხარაგაულის მუნიციპალიტეტში 4 512 ჰა სასოფლო-სამეურნეო მიწის ფართობია.

ეს ინფორმაცია სოფლის მეურნეობის სამინისტროს ხარაგაულის საინფორმაციო-საკონსულტაციო სამსახურის მთ. სპეციალისტის, ვაჟა მაჭავარიანისგან, მოვიპოვეთ. მისი თქმით, საგაზაფხულო სამუშაოებში მთავარი ხელშემშლელი ფაქტორი უამინდობაა.

„ხარაგაულის მუნიციპალიუტეტში პროგრამის მონაწილე ბენეფიციართა მიწის ფართობები მუშავდება შპს „მექანიზატორის“ შვიდი ტრაქტორით. კიდევ ველოდებით დაახლოებით ამდენივეს,“ – ამობს ვაჟა მაჭავარიანი.

თამთა გოგოლაძე