ბოლო 24 საათში ხარაგაულში კორონავირუსის 11 ახალი შემთხვევა დადასტურდა.

ინფიცირებულები დაბა ხარაგაულის, ფარცხნალისა და ჩხერის მაცხოვრებლები არიან.

ჩხერში ორი ოჯახის შვიდი წევრია ინფიცირებული, ხოლო დაბა ხარაგაულსა და ფარცხნალში – ორ-ორი.

თერთმეტივე ინფიცირებულის დაავადების წყარო საკუთარი ოჯახის წევრია.

ხარაგაულში 112 ინფიცირებულიდან 25 საავადმყოფოში მკურნალობს, ხოლო დანარჩენები სახლში, ოჯახის ექიმის მეთვალყურეობით.

ხარაგაულში 6 აგვისტოს შემდეგ კორონავირუსისგან არც ერთი პაციენტი არ გამოჯანმრთელებულა.

ხარაგაულში კორონავირუსის პირველად დაფიქსირებიდან დღემდე 831 შემთხვევაა გამოვლენილი, მათგან 702 გამოჯანმრთელდა, 17 – გარდაიცვალა.