ხარაგაულში, სოფელ თეთრაწყაროში კორონავირუსით ინფიცირების სამი ახალი შემთხვევა დადასტურდა.

სამივე მათგანი თბილისში გამართულ ქორწილში დაინფიცირდა. ერთ-ერთმა კი კორონავირუსით დაბა ხარაგაულში ორი პირი დააინფიცირა.

თითო-თითო ინფიცირებულია ვერტყვიჭალასა და ბორითში, ლეღვანში ერთ ოჯახში კორონავირუსი ორ პირს დაუფიქსირდა.

ხარაგაულის საზოგადოებრივი ჯანდაცვის ცენტრიდან მოპოვებული ინფორმაციით, ბოლო 24 საათში ხარაგაულში covid-19-ის 9 ახალი შემთხვევა გამოვლინდა.

ხარაგაულში კორონავირუსის პირველად გამოვლენიდან დღემდე სულ 791 პირი დაინფიცირდა, მათგან 700 გამოჯანმრთელდა, 16 გარდაიცვალა.

დღეისათვის 75 ინფიცირებულიდან 22 სტაციონარში მკურნალობს, ორი – კოვიდსასტუმროში, დანარჩენები ბინაზე – ოჯახის ექიმის მეთვალყურეობით. ამჟამად ხარაგაულის მუნიციპალიტეტში იზოლაციაში 138 პირი იმყოფება.