მთავრობის გადაწყვეტილებით, იკრძალება ბანაკის ტიპის შეკრებები მათი ორგანიზაციული ფორმებისა და ჩატარების ადგილის მიუხედავად.

ამის შესახებ ცვლილება 2020 წლის 23 მაისის #322-ე დადგენილებაში შევიდა.

ამ ცვლილებების მიხედვითვე, ტრენინგებზე, კონფერენციებსა და სემინარებზე მონაწილეთა დასწრება მხოლოდ წინასწარი PCR ტესტირების საფუძველზე იქნება შესაძლებელი.

ამასთან, 18 წლამდე ასაკის მოზარდების სპორტული ტურნირებისა და სასწავლო-საწვრთნელი შეკრებების ჩატარება დასაშვებია მხოლოდ ყველა მონაწილის წინასწარი PCR ტესტირების საფუძველზე.

მთავრობის დადგენილებაში შეტანილი ცვლილებები 2021 წლის 19 ივლისიდან ამოქმედდება.