1 ივლისიდან, კომენდანტის საათის გაუქმების გამო, „საქართველოს რკინიგზა“ მატარებლების მიმოსვლის განრიგს ცვლის.

თბილისი-ბათუმი-თბილისის მიმართულებით ყოველდღიურად სამი მატარებელი იმოძრავებს.

ცვლილებაა საქალაქთაშორისო და საგარეუბნო მატარებლების განრიგში.

„საქართველოს რკინიგზა“ მგზავრებს კოვიდ19-თან დაკავშირებული რეკომენდაციების დაცვისკენ მოგვიწოდებს.

გამცილებლები მგზავრებს ვაგონის შესასვლელებში ჩაუტარებენ

  • თერმოსკრინინგს, მატარებელში შესვლისთანავე კი მათ უნდა გაიარონ
  • დეზობარიერი და ხელები დაიმუშაონ სადეზინფექციო ხსნარით.
  • ხელის დისპენსერები ყველა ვაგონში იქნება დამონტაჟებული.

მნიშვნელოვანია მგზავრებმა წინასწარ იცოდნენ, რომ ვირუსისთვის დამახასიათებელი სიმპტომების არსებობის შემთხვევაში არ გამოცხადდნენ გასამგზავრებლად.

პირბადის გარეშე მგზავრები ვაგონში არ დაიშვებიან და მგზავრობის პროცესში მათ არ აქვთ პირბადის მოხსნის უფლება.

„საქართველოს რკინიგზა“ მგზავრებს ყველა ზემოთაღნიშნული რეკომენდაციის დაცვისკენ მოუწოდებს და ბედნიერ მგზავრობას უსურვებს!

მარიამ დალალიშვილის ფოტო