2021 წლის ერთიანი ეროვნული გამოცდები პირველ ივლისს ქართული ენისა და ლიტერატურის გამოცდით დაიწყება და 20 ივლისს ზოგადი უნარების გამოცდით დასრულდება.

შეფასებისა და გამოცდების ეროვნული ცენტრის ინფორმაციით, ერთიანი ეროვნული გამოცდების განრიგი ასეთია:

  • 1, 2, 5 ივლისი – ქართული ენა და ლიტერატურა;
  • 6 ივლისი – რუსული, ნგლისური და ფრანგული ენები;
  • 7 ივლისი – რუსული და ინგლისური ენები;
  • 8 ივლისი – გერმანული და ინგლისური ენები;
  • 9 ივლისი – მათემატიკა;
  • 12 -13 ივლისი – ისტორია;
  • 14 ივლისი – ბიოლოგია;
  • 15 ივლისი – სახვითი და გამოყენებითი ხელოვნება;
  • 15 ივლისი – ქიმია;
  • 16 ივლისი – გეოგრაფია;
  • 20 ივლისი – ფიზიკა;
  • 20 ივლისი – ლიტერატურა;
  • 19 და 20 ივლისი – ზოგადი უნარები.

საგამოცდო ბარათების ამობეჭდვას აბიტურიენტები საკუთარი სარეგისტრაციო გვერდიდან 20 ივნისის შემდეგ შეძლებენ. ბარათზე მოცემული იქნება ინფორმაცია გამოცდის თარიღის, გამოცდაზე გამოცხადების დროისა და საგამოცდო ცენტრის მისამართის შესახებ.

2021 წელს ერთიანი ეროვნული გამოცდებისათვის რეგისტრაცია 38 400-ზე მეტმა აბიტურიენტმა გაიარა. გამოცდები 2021 წელსაც კოვიდპანდემიასთან დაკავშირებული ყველა რეგულაციის დაცვით ჩატარდება.

ამ საკითხზე დეტალური ინფორმაცია გამოქვეყნდება შეფასებისა და გამოცდების ეროვნული ცენტრის ვებ და ფეისბუკ გვერდებზე.