ორგანიზაცია „პარტნიორობა ადამიანის უფლებებისთვის“ თბილისის სახელმწიფო უნივერსიტეტის წინააღმდეგ სასამართლოში დაობს.

ორგანიზაციის იურისტი ანა არგანაშვილი სოციალურ ქსელში წერს:

დღეს გვაქვს სასამართლო პროცესი, სადაც ვდაობთ, რადგან:

  1. თსუ-ში სამაგისტროს დაცვის დროს შენ ნაშრომს შეიძლება „სრული სიბეცე“ და „სისულელე“ უწოდონ და ამით რომ ღირსება გელახება, ამას თსუ არ აღიარებს;
  2. ნაშრომის დაცვის დროს შეუძლიათ შეგიქმნან გენდერულად მტრული გარემო, მაგრამ ეს არსად იწერება და ამიტომ თსუ-ს შიგნით ვერ ასაჩივრებ;
  3. როცა ქალი იცავს სამაგისტრო ნაშრომს, შეუძლიათ გენდერულად დამამცირებელი შეფასებები გამოიყენონ და ამას ნორმად მიიჩნევენ;
  4. თსუ-ს არ აქვს დისკრიმინაციისგან დაცვის და სექსუალური შევიწროებისგან დაცვის მექანიზმი და ამაში პრობლემას არ ხედავენ.

თსუ დამთავრებული იურისტები ამას შევცვლით და უფრო თანასწორი და ღირსეული თსუ გვექნება. ჩვენი უნივერსიტეტი იმსახურებს – ჩვენში ჩადებული შრომა მისი გაუმჯობესებისთვის, გამართული სასამართლო პროცესებით დავუბრუნოთ, – ამბობს ანა არგანაშვილი.