ბოლო 24 საათში ხარაგაულში კორონავირუსით ინფიცირების ორი ახალი შემთხვევა დადასტურდა.

ინფიცირებულები დაბა ხარაგაულსა და უბისაში ცხოვრობენ. მათ კორონავირუსი ოჯახის წევრებისგან გადაედოთ.

გასულ დღე-ღამეში კორონავირუსი შვიდმა ხარაგაულელმა დაამარცხა.

კორონავირუსის პირველად დადასტურებიდან დღემდე ხარაგაულის მუნიციპალიტეტში სულ 656 შემთხვევა გამოვლინდა. მათ შორის 597 გამოჯანმრთელდა, 14 – გარდაიცვალა. თვითიზოლაციაში 66 პირი იმყოფება.

ხარაგაულის საზოგადოებრივი ჯანდაცვის ცენტრში დღეს კორონავირუსზე გეგმიური ტესტირება ვახანის, კიცხის, ბორისა და ვარძიის საბავშვო ბაღების თანამშრომლებს ჩაუტარდებათ, ორშაბათს კი – ძირულას ხეობის სოფლებში მოქმედ საბავშვო ბაღებში დასაქმებულებს.