ხარაგაულის მუნციპალიტეტის მაჟორიტარი დეპუტატი ნოდარ ებანოიძე დღეს მოლდოვაში საქართველოს საელჩოში ხვდება ქართული დიასპორის ხელმძღვანელებს.

ნოდარ ებანოიძის ინფორმაციით, დიასპორის წარმომადგენლებთან ერთად იმსჯელებენ კანონში – „უცხოეთში მცხოვრები თანამემამულეებისა და დიასპორული ორგანიზაციების შესახებ“ – მათ მიერ მომზადებული ცვლილებების პროექტზე.

ნოდარ ებანოიძე, როგორც სუამი-ს საპარლამენტო დელეგაციის წევრი, 29 ნოემბრიდან იმყოფება მოლდოვაში. ის საერთაშორისო დამკვირვებლის სტატუსით აკვირდებოდა მოლდოვაში საპარლამენტო არჩევნებს.

ვიზიტის ფარგლებში გაიმართა ასევე კონსულტაციები სუამ-ის წევრი ქვეყნების დელეგაციებს შორის.

საპარლამენტო დელეგაციის ვიზიტი მოლდოვაში ხვალ დასრულდება.

ნინო კაპანაძე