ხარაგაულის მუნიციპალიტეტის საკრებულოს 8 სექტემბრის სხდომის გადაწყვეტილებით, მუნიციპალიტეტის ტერიტორიაზე მიმდინარე მშენებლობებზე ნებართვების გაცემის უფლება მუნიციპალიტეტის გამგებელს გადაეცა.

მასვე გადაეცა მუნიციპალიტეტის სახელით სახელმწიფო შესყიდვების შესახებ დადებული ხელშეკრულებების დამტკიცებისა და ხელშეკრულების შეწყვეტის თაობაზე თანხმობის მიცემისა და სახელმწიფო შესყიდვები გამარტივებული წესით, ერთ პირთან მოლაპარაკების გზით, წარმოების უფლებები.

ამავე საკრებულოს სხდომაზე დეპუტატებმა დაამტკიცეს გამგეობის ახლადშექმნილი, შიდა აუდიტისა და მონიტორინგის სამსახურის დებულება და მუნიციპალიტეტის ადმინისტრაციულ ერთეულებში გამგებლის წარმომადგენლის უფლება-მოვალეობები.

თამთა გოგოლაძე