14 ივლისს, 10 საათზე, ხარაგაულში ახალარჩეული საკრებულოს პირველი სხდომა გაიმართება. სხდომას #48 ხარაგაულის საოლქო საარჩევნო კომისიის თავმჯდომარე კახა გოლუბიანი გახსნის და ცნობს ახალარჩეული საკრებულოს უფლებამოსილებას. დეპუტატები აირჩევენ საკრებულოს თავმჯდომარეს, მის მოადგილეს, შექმნიან კომისიებს, აირჩევენ მათ თავმჯდომარეებს და რეგისტრაციაში გაატარებენ ფრაქციებს.

დეპუტატები პირველ სხდომაზე დაამტკიცებენ საკრებულოს ბიუროს შემადგენლობას, საკრებულოს რეგლამენტს, კომისიებისა და აპარატის დებულებებს.

საკრებულო პირველივე სხდომაზე დაამტკიცებს გამგეობის დებულებას, გამგეობის საშტატო ნუსხას და თანამდებობრივ სარგოებს.