არასამთავრობო ორგანიზაციას „ქალები ქვეყნის მომავლისათვის“ უბისაში 700 კვმ მიწის ნაკვეთი გადაეცემა. ორგანიზაციის დირექტორის, ხათუნა მანჯავიძის ინფორმაციით, ტერიტორიაზე სკვერი მოეწყობა. პროექტს იაპონიის სოციალური ფონდი და ასოციაცია „ელკანა“ აფინანსებენ.

სკვერის კეთილმოსაწყობად 10 ათასი დოლარი დაიხარჯება. ორგანიზაციას თანადაფინანსებაში მუშახელისგან გაწეული შრომა ჩაეთვლება. სამუშაოების დასრულების შემდეგ კეთილმოწყობილი სკვერი მუნიციპალიტეტს გადაეცემა.