ხარაგაულის საგანმანათლებლო რესურსცენტრის უფროს დავით კიკნაძის ინფორმაციით, ღარიხევში სკოლისთვის ახალი შენობის აგებისა და ზვარეს სკოლის შენობის ინფრასტრუქტრული პრობლემების მოგვარების საკითხები გადაწყვეტილია. უახლოეს დღეებში მიიღებენ გადაწყვეტილებას კიცხში სკოლისთვის ახალი შენობის აშენების თაობაზე.

მისივე ინფორმაციით, ხარაგაულის #3 საჯარო სკოლაში შიდა სარემონტო სამუშაოებისთვის აქტიურად თანამშრომლობენ სამინისტროს ინფრასტრუქტურის სააგენტოსთან. სააგენტოს ასევე მიაწოდეს ინფორმაცია ხარაგაულის თერთმეტ საჯარო სკოლაში შიდა სარემონტო სამუშაოების ჩატარების აუცილებლობაზე.