ამჟამად ხევი-უბისა-შორაპანი-არგვეთასა და ძირულა-ხარაგაული-მოლითი-ფონა-ჩუმათელეთის საავტომობილო გზების მშენებლობის დამპროექტებელი ორგანიზაციების შესარჩევად ტენდერები მიმდინარეობს.

ტენდერების შედეგები თებერვლის ბოლოსთვის გახდება ცნობილი. შერჩეული ორგანიზაციები დეტალურ საპროექტო დოკუმენტაციას მოამზადებენ.

„დღეისათვის მიმდინარეობს ხელშეკრულების გაფორმების პროცედურები, – გვიპასუხეს საავტომობილო გზების დეპარტამენტიდან, –  ხელშეკრულებას ხელი 2017 წლის თებერვალში უნდა მოეწეროს. ამის შემდეგ გასაჯაროვდება გამარჯვებული კომპანიები და პროექტების ზუსტი ღირებულებები.