დღეს ხარაგაულის მუნიციპალიტეტის სოფელ ლეღვანის საჯარო სკოლაში სასწავლო პროცესი, დიდთოვლობის გამო, ერთი დღით შეწყდა.

ამის შესახებ ინფორმაცია ხარაგაულის საგანმანათლებლო რესურსცენტრის უფროს დავით კიკნაძისაგან მოვიპოვეთ.

„ლეღვნის საჯარო სკოლა გაცდენილ გაკვეთილებს შაბათ დღეს აანაზღაურებს. სოფლების საჯარო სკოლებამდე, დიდთოვლობის გამო, სასკოლო მიკროავტობუსები ვერ მოძრაობენ, გაკვეთილებზე მოსწავლეთა რაოდენობა ძალიან მცირეა. სკოლებიდან, ჯერჯერობით, დიდთოვლობის გამო სასწავლო პროცესის შეჩერების მოთხოვნა არ ყოფილა,“ – ამბობს დავით კიკნაძე.