19 იანვარს მართლმადიდებელი ეკლესია ნათლისღების დღესასწაულს აღნიშნავს. სახარების თანახმად, ამ დღეს უფალი იესო ქრისტე მდინარე იორდანეში იოანე ნათლისმცემლისგან მოინათლა.

ხარაგაულის წმიდა ანდრია პირველწოდებულის სამლოცველო სახლში მოძღვარმა მამა ანტონმა (სულთანიშვილი) სადღესასწაულო წირვა აღავლინა და წყალი აკურთხა.

მარგვეთისა და უბისის ეპისკოპოსის, მეუფე მელქისედეკის, ლოცვა-კურთხევით, დღეს, 16:00 საათზე, მდინარე ჩხერიმელაზე წყალში განბანვის რიტუალი გაიმართება.