იმერეთის, რაჭა-ლეჩხუმისა და ქვემო სვანეთის რეგიონის პოლიციის სამხარეო დეპარტამენტის დირექტორი თორნიკე მუშკუდიანია.

ამ ინფორმაციას საინფორმაციო სააგენტო ქუთაისი პოსტი ავრცელებს.

როგორც საქართველოს შინაგან საქმეთა სამინისტროში განმარტავენ, მან დეპარტამენტის ხელმძღვანელის პოსტი რამდენიმე დღის წინ დაიკავა.

მათივე ინფორმაციით, მუშკუდიანი ამ დრომდე შშს-ში სხვადასხვა თანამდებობებზე მუშაობდა.

თორნიკე მუშკუდიანმა იმერეთის პოლიციის დეპარტამენტის უფროსის პოზიციაზე ნუგზარ ქუთათელაძე შეცვალა, რომელსაც ეს პოსტი გასული წლის მაისიდან ნოემბრამდე ეკავა.