დეტალური საპროექტო დოკუმენტაციის მოსამზადებელი ტენდერის შედეგები ხევი-უბისა-შორაპანი-არგვეთასა და ძირულა-ხარაგაული-მოლითი-ფონა-ჩუმათელეთის საავტომობილო გზების მშენებლობისთვის დასრულების ეტაპზეა.

საავტომობილო გზების დეპარტამენტიდან მოპოვებული ინფორმაციით, სამუშაოთა შემსრულებელ კომპანიებთან კონტრაქტები, სავარაუდოდ, იანვრის ბოლოსთვის  გაფორმდება.

ხევი-არგვეთას მონაკვეთის სიგრძე 42 კილომეტრია და ის ერთ-ერთი ურთულესი მონაკვეთია. რიკოთის საუღელტეხილო მონაკვეთის მოდერნიზება საგზაო ქსელის განვითარებისა და თანამედროვე სტანდარტებთან შესაბამისობაში მოყვანის კუთხით უმნიშვნელოვანესია.

ძირულა-ჩუმათელეთის 50 კილომეტრიანი გზა კი ხარაგაულის მუნიციპალიტეტსა და E-60 ავტომაგისტრალს შორის მთავარი საერთაშორისო საგზაო არტერიაა.