ამ საკითხზე ხარაგაულის მუნიციპალიტეტის საკრებულოს თავმჯდომარე მანანა ბარბაქაძემ ბიუროს წევრებთან იმსჯელა.

წელს საკრებულოს წარმომადგენლობითი ხარჯი 4 ათასი ლარით განისაზღვრა.

მანანა ბარბაქაძის წინადადებით, კარგი იქნება, თუ დარჩენილი 1 100 ლარით სოფლებში მცხოვრებ უკიდურესად გაჭირვებულ მრავალშვილიან ოჯახებს საახალწლო ნობათით დაასაჩუქრებენ.

დეპუტატ ქეთევან ზუმბაძის აზრით, უმჯობესია, სკოლამდელ დაწესებულებათა გაერთიანების 500 აღსაზრდელისთვის საახალწლოდ საჩუქარი – ხილი და კანფეტები შეიძინონ.

საკრებულოს ბიუროს წევრებმა ქეთავან ზუმბაძის წინადადება გაიზიარეს.

ნინო კაპანაძე