ძირულა-ხარაგაული-მოლითი-ფონა-ჩუმათელეთის საავტომობილო გზის მშენებლობა ჯერ კიდევ მოსამზადებელ ეტაპზეა.

საპროექტო დოკუმენტაციის შესადგენად გამოცხადებულ საერთაშორისო ტენდერში გამარჯვებული კომპანია უახლოეს დღეებში გამოვლინდება.

საავტომობილო გზების დეპარტამენტიდან მიღებული ინფორმაციით, გამარჯვებული კომპანია გზის დეტალურ პროექტს, გარემოზე ზემოქმედების შეფასების, მიწის შესყიდვისა და განსახლების გეგმის დოკუმენტებს მოამზადებს.

ძირულა-ჩუმათელეთის საავტომობილო გზის რეაბილიტაცია, ძირითადად, უკვე არსებული გზის ფარგლებში განხორციელდება.

ტენდერის შედეგების გამოცხადებისთანავე გაცნობებთ.