პარასკევს, 4 ნოემბერს თბილისის ივანე ჯავახიშვილის სახელობის სახელმწიფო უნივერსიტეტის პირველი კორპუსის სააქტო დარბაზის ფოიეში  ჟურნალების „გზავნილი ხარაგაულიდან“ და „გზავნილი ჭიათურიდან“ პრეზენტაცია გაიმართება.

ჟურნალები სახელმწიფო უნივერსიტეტის ჟურნალისტიკისა და მასობრივი კომუნიკაციის მიმართულების სტუდენტებმა, საგნის – ბეჭდური მედია 2 ფარგლებში შექმნეს.

ჟურნალების რედაქტორები ისაუბრებენ შექმნის პროცესებზე, მიღებულ გამოცდილებაზე, სირთულეებსა და მათ მიერ გაწეული შრომის შედეგებზე.

მოეწყობა სტუდენტების მიერ ხარაგაულსა და ჭიათურაში გადაღებული ფოტოების გამოფენა, დოკუმენტური ფილმებისა და სიუჟეტების ჩვენება.