ბაღდათი-ხარაგაულის მაჟორიტარი დეპუტატისა და ხარაგაულის გამგებლის ვინაობა ცნობილია.

წინასწარი მონაცემებით, ხარაგაულის საარჩევნო ოლქში ნაციონალური მოძრაობის კანდიდატმა გიორგი რობაქიძემ 2 675 ხმა (23,85%) მიიღო, „ქართული ოცნება – დემოკრატიული საქართველოს“ კანდიდატმა კობა ლურსმანაშვილმა – 8 541 ხმა (76,15%).

ბაღდათის საარჩევნო ოლქის კომისიის მდივნის, ელეონორა ლომსიანიძის, ინფორმაციით, წინასწარი მონაცემების მიხედვით, ბაღდათის ოლქში 73%-ით კობა ლურსმანაშვილი ლიდერობს.

ხარაგაულის გამგებელი 8 575 ხმით (76,17%) „ქართული ოცნება – დემოკრატიული საქართველოს“ კანდიდატი ნიკო თოფურიძე გახდა.

ნაციონალური მოძრაობის გამგებლობის კანდიდატმა თამაზ ლომიძემ 2 682 ხმა (23, 83%) მიიღო.

არჩევნების მეორე ტურში #51 ბაღდათი-ხარაგაულის საარჩევნო ოლქში 23 949 (49,71%) ამომრჩეველმა მიიღო მონაწილეობა.

სულ #51 საარჩევნო ოლქში 48 180 ამომრჩეველია.

#48 ხარაგაულის საარჩევნო ოლქში პარლამენტის მაჟორიტარი კანდიდატები 346  ბიულეტენი, ხოლო გამგებლობის კანდიდატების 323 ბიულეტენი გაბათილდა.