დღეს, #48 ხარაგაულის საარჩევნო ოლქის #37 გედსამანიის საარჩევნო უბანზე პატარძალიხმის მისაცემად მივიდა.

21 წლის თამუნა ლომიძემ ცხოვრების მომავალი თანამგზავრი აირჩია და ამავე დროს მოქალაქეობრივი ვალი მოიხადა.

„ჩემი ცხოვრების ყველაზე მნიშვნელოვან დღეს გადავწყვიტე, არჩევნებზე მოვსულიყავი, – გვითხრა თამუნა ლომიძემ, – ძალიან მიხარია, რომ ხმა მივეცი ქვეყნის გამთლიანებას და უკეთეს მომავალს.“

ცენტრალური და #48 ხარაგაულის საოლქო საარჩევნო კომისიების სახელით თამუნა ლომიძეს და დავით ქიმაძეს ქორწინება ხარაგაულის საოლქო საარჩევნო კომისიის თავმჯდომარე გია ცისკაძემ მიულოცა.

patardzali_ubanze-2 patardzali_ubanze-3-1

patardzali_ubanze