8 ოქტომბრის საპარლამენტო არჩევნების შემდეგ 50 მაჟორიტარულ ოლქში არჩევნების მეორე ტური უნდა ჩატარდეს.

მეორე ტური #51 ბაღდათი-ხარაგაულის მაჟორიტარულ ოლქში პარლამენტარის გამოსავლენად გაიმართება, ხოლო #48 ხარაგაულის საარჩევნო ოლქში – გამგებლის ასარჩევად.

ცენტრალური საარჩევნო კომისიის პრესპიკერ ანა მიქელაძის ინფორმაციით, არჩევნების მეორე ტური 30 ოქტომბერს გაიმართება.

მეორე ტურში ბაღდათი-ხარაგაულის მაჟორიტარობისთვის ბრძოლას „ნაციონალური მოძრაობიდან“გიორგი რობაქიძე და „ქართული ოცნებიდან“კობა ლურსმანაშვილი აგრძელებენ.

ხარაგაულის მუნიციპალიტეტის გამგებლობისთვის კი ერთმანეთს „ნაციონალური მოძრაობის“ კანდიდატი თამაზ ლომიძე და „ქართული ოცნების“ კანდიდატი ნიკოლოზ თოფურიძე დაუპირისპირდებიან.