დიდვაკის დასახლებაში გამავალი გზის სარეაბილიტაციოდ საავტომობილო გზების დეპარტამენტის სატენდერო კომისიამ გამარჯვებული გამოავლინა.

შპს „ნიუ ქასთელ ქონსთრაქშენ“ აღნიშნული გზის რეაბილიტაციას 915 000 ლარად გეგმავს.

ტენდერში სამი კომპანია მონაწილეობდა, – შპს „ბელ-ბაუ“, შპს „ნიუ ქასთელ ქონსთრაქშენ“ და შპს „ჰედეფ ჯორჯია“. გამარჯვებული 21 სექტემბერს გამოვლინდა.

შიდასახელმწიფოებრივი მნიშვნელობის (შ-55) ძირულა-ხარაგაული-მოლითი-ფონა-ჩუმათელეთის საავტომობილო გზის სოფელ დიდვაკის ტერიტორიაზე გამავალი სარეაბილიტაციო მონაკვეთის სიგრძე 837 მეტრია.

ხელშეკრულება მზადდება. სამუშაოები ტენდერში გამარჯვებულ ორგანიზაციასთან ხელშეკრულების გაფორმებიდან 3 თვეში უნდა დასრულდეს.

თამთა გოგოლაძე