დღეს ახალი სასწავლო წელი დაიწყო.

ეს დღე ტრადიციული ღონისძიებით აღნიშნეს ხარაგაულის #2 საჯარო სკოლაში. ახალ სასკოლო ფორმებში

გამოწყობილი მოსწავლეები სიხარულით ესალმებოდნენ თავიანთ თანატოლებსა და პედაგოგებს.

ახალი სასწავლო წლის დაწყება მიულოცა და წარმატებები უსურვა მოსწავლეებსა და პედაგოგებს ხარაგაულის #2 საჯარო სკოლის დირექტორმა ვალერი გოგნაძემ, ხარაგაულის მუნიციპალიტეტის გამგებლის მოვალეობის შემსრულებელმა პაატა გოგოლაძემ და ხარაგაულის საგანმანათლებლო რესურცენრის უფროსმა დავით კიკნაძემ.

ღონისძიებაზე დაჯილდოვდნენ გასულ სასწავლო წელს სხვადასხვა ოლიმპიადებსა და კონკურსებში გამარჯვებული მოსწავლეები და სკოლის საუკეთესო პედაგოგები.

ღონისძიების ბოლოს პირველკლასელებმა სკოლის ეზოში საქართველოს დროშა აღმართეს და სწავლის დაწყების მაუწყებელი ზარიც გაისმა.

 

axali-saswavlo-weli-1 axali-saswavlo-weli-2 axali-saswavlo-weli-4