ცენტრალურმა საარჩევნო კომისიამ ხარაგაულში გამგებლის რიგგარეშე არჩევნებისთვის ამომრჩეველთა რაოდენობა გამოაქვეყნა.

ცესკოს მონაცემებით, #48 ხარაგაულის საარჩევნო ოლქში 19 871 ამომრჩეველია.

რიგგარეშე არჩევნები მოქმედი გამგებლის მაჟორიტარობის კანდიდატად დასახელებამ გამოიწვია.

ხარაგაულის გარდა გამგებლის რიგგარეშე არჩევნები ბოლნისის, ზუგდიდის, წალენჯიხისა და ჭიათურის მუნიციპალიტეტებში გაიმართება, ხოლო ახალციხეში –  ქალაქის მერის.

რიგგარეშე არჩევნები 8 ოქტომბერს საპარლამენტო არჩევნებთან ერთად ჩატარდება.

ამის შესახებ საქართველოს პრეზიდენტმა გიორგი მარგველაშვილმა განკარგულება 19 აგვისტოს გამოსცა.

2014 წლის ადგილობრივი თვითმმართველობის არჩევნებისთვის #48 ხარაგაულის საარჩევნო ოლქში 20 371 ამომრჩეველი იყო რეგისტრირებული, 2012 წლის საპარლამენტო არჩევნებისთვის – 20 328 ამომრჩეველი.