8 ოქტომბრის საპარლამენტო არჩევნებისთვის საუბნო საარჩევნო კომისიის წევრების შესარჩევ კონკურსში საბუთების წარდგენა დასრულდა.

73 მაჟორიტარული საოლქო საარჩევნო კომისიის მიერ 3 617 საარჩევნო უბანში ექვს-ექვსი წევრი უნდა შეირჩეს.

#51 ბაღდათი-ხარაგაულის მაჟორიტარულ ოლქში სულ 74 საარჩევნო უბანია – 37 ხარაგაულში, 30 ბაღდათში, ხოლო შვიდი – ზესტაფონში.

#48 ხარაგაულის საოლქო საარჩევნო კომისიის მდივანის, მაყვალა სულაქველიძის ინფორმაციით, ხარაგაულში საარჩევნო უბნების წევრობის 310 კანდიდატია. მათგან 222 უნდა შეირჩეს.

ბაღდათის საოლქო საარჩევნო კომისიის თავმჯდომარე არჩილ სიგუნავას ინფორმაციით, ბაღდათის 30 და ზესტაფონის 7 უბნის წევრობის სურვილი 358-მა კანდიდატმა გამოთქვა. მათგან ასევე 222 წევრი უნდა შეირჩეს.

კონკურსანტთა საბუთებს ბაღდათის საოლქო კომისია განიხილავს და ხარაგაულის, ბაღდათის და ზესტაფონის საუბნო საარჩევნო კომისიების წევრებს 19-დან 23 აგვისტოს ჩათვლით გამოავლენს.