ხარაგაულის მუნიციპალიტეტის ბიუჯეტიდან საკათედრო ტაძრის მშენებლობისთვის განკუთვნილი 45 ათასი ლარი, რომელიც წლის დასაწყისში მარგვეთისა და უბისის ეპარქიის ფონდს ჩაერიცხა, ამჟამად ტაძრის მშენებლობის ანგარიშზეა.

ამ თანხით ტაძრის გუმბათისპირა თაღები და აფრები გაკეთდება, გუმბათი გადაბეტონდება.

უსახსრობის გამო ტაძრის მშენებლობა შეჩერებული იყო.

ხარაგაულის საკათედრო ტაძრის მშენებლობის ფონდის დირექცია იმედოვნებს, რომ საზოგადოების, ეპარქიისა და ადგილობრივი ხელისუფლების ჩართულობით ტაძრის მშენებლობა წარმატებით წარიმართება.