დღეს ხარაგაულის რკინიგზის სადგურზე შავი ზღვის საერთაშორისო ჯაზ-ფესტივალის  სტუმრებს შეხვდნენ.

თიბისი ბანკის წარმომადგენლისა და შეხვედრის ორგანიზატორის ნატა კორახაშვილის თქმით თიბისი ბანკი ბათუმის საერთაშორისო ჯაზ-ფესტივალის გენერალური სპონსორია. ამიტომ გადაწყვიტეს, რომ ჯაზ-ფესტივალის სტუმრებს, რომლებიც თბილისიდან ბათუმში სპეციალური მატარებლით მიემგზავრებიან, ხარაგაულის სადგურზე მოეწყოთ შეხვედრა.

შავი ზღვის ჯაზ-ფესტივალი 15 ივლისიდან 24 ივლისამდე ბათუმში გაიმართება.

მასში, ტრადიციულად, მსოფლიოს ცნობილი უცხოელი შემსრულებლები მიიღებენ მონაწილეობას.

კონცერტები 10 დღის განმავლობაში, ყოველ საღამოს, ბათუმის ჩოგბურთის კლუბში ჩატარდება.

თამთა გოგოლაძე

jaz-festivali (1) jaz-festivali (3)