გაზეთში „ჩემი ხარაგაული“ გამოვაქვეყნე განცხადება, რომ დავკარგე სამაჯური. სიმართლე გითხრათ, დიდი იმედი არ მქონდა, რომ ვინმე შემეხმიანებოდა.

პარასკევს რომ გაზეთი გავრცელდა, შაბათ დილით დამიკავშირდა უცნობი ქალბატონი და მითხრა, რომ ჩემი სამაჯური იპოვნა. ეს საოცარი ადამიანი ხარაგაულის კულტურის ცენტრის თანამშრომელი გულო გველესიანი აღმოჩნდა. დამიჯერეთ, ეს იყო ათასჯერ უფრო მეტი, ვიდრე ნივთის პოვნით გამოწვეული სიხარული.

ქალბატონო გულო, თქვენ მე ნივთთან ერთად ადამიანებისადმი უდიდესი ნდობა და რწმენა მაპოვნინეთ. უფალმა დაგლოცოთ და გაგახაროთ. გვიმრავლოს თქვენნაირი კეთილშობილი ადამიანები.

უდიდესი პატივისცემით,
ნათია ხიჯაკაძე