პროექტში „ინტერნეტი და კომპიუტერი ყველა სოფლის ბიბლიოთეკას“ ლეღვანის, ვერტყვიჭალისა და პატარა ხარაგაულის ბიბლიოთეკები ჩაერთვნენ.

ხარაგაულის ცენტრალური ბიბლიოთეკის დირექტორის ნიკოლოზ მაჭავარიანის ინფორმაციით, მიმდინარე კვირაში ხარაგაულის პარლამენტის ეროვნული ბიბლიოთეკის ციფრული ბიბლიოთეკა „ივერიელისა“ და საქართველოს საბიბლიოთეკო ასოციაციის წარმომადგენლები ამ ბიბლიოთეკებში შესაბამის აპარატურას დაამონტაჟებენ.

პროექტს „ინტერნეტი და კომპიუტერი ყველა სოფლის ბიბლიოთეკას“ საქართველოს პრეზიდენტის ფონდისა და საერთაშორისო ორგანიზაცია „აირექსის“ ფინანსური მხარდაჭერით, საქართველოს საბიბლიოთეკო ასოციაცია ახორციელებს.

პროექტი შარშან დაიწყო კახეთის რეგიონში. შერჩეული 48 სოფლის ბიბლიოთეკა აღიჭურვა კომპიუტერული ტექნიკითა და ინტერნეტით.

თამთა გოგოლაძე