ხარაგაულის მუნიციპალიტეტის სოფელ ვახანში ელექტროენერგიის მომხმარებელთა ინდივიდუალური გამრიცხველიანება მიმდინარეობს.

წელს ხარაგაულში, გამრიცხველიანების გეგმის მიხედვით, ლეღვანში 378 აბონენტი გამრიცხველიანდა, 205 საყრდენი და 16 ათასი მეტრი სადენი დამონტაჟდა.

„ენერგო-პრო ჯორჯიადან“ მიღებული ინფორმაციით, 2016 წელს ნებოძირის, ბაბის, დეისისა და მოლითის ინდივიდუალური გამრიცხველიანება დასრულდება.

2017 წელს ხარაგაულის მუნიციპალიტეტში გამრიცხველიანდება სოფლები საბე, ჭარტალი, ანიულა, ბეჟათუბანი, გოლათუბანი, ზვარე, ნუნისი, ფონა, ქვები, ჩრდილი, წიფა, მარელისი.

წინასწარი გეგმის მიხედვით, 2017 წელს მთელ საქართველოში ელექტროენერგიის მომხმარებელთა ინდივიდუალური გამრიცხველიანება დასრულდება.