ხარაგაულის ცენტრალური ბიბლიოთეკის ახალგარემონტებულ შენობაში წიგნების თაროებსა და ინვენტარს ტენდერში გამარჯვებული კომპანია შპს „გ“ და „ვ“ ამონტაჟებს. 

ბიბლიოთეკის დირექტორის, ნიკოლოზ მაჭავარიანის ინფორმაციით, სამ-ოთხ დღეში, როგორც კი შენობაში ავეჯი განთავსდება, გადასვლის პროცესს დაიწყებენ და სავარაუდოდ, ივლისის ბოლოსთვის დაასრულებენ. მისივე თქმით, სულ გადასატანია 27 ათასი წიგნი.

ხარაგაულის ცენტრალური ბიბლიოთეკისთვის ჯანდაცვის ცენტრის ყოფილი შენობა გასული წლის აგვისტოში, ვადაზე ადრე, 83 950 ლარად შპს „გურომ“ გაარემონტა.